兩個婚禮。五段關係

兩個婚禮。五段關係

上星期六到今個星期四，參加了兩個婚禮，兩個婚禮當中我都有幸可以現埸拍攝花絮，實要多謝兩位朋友的包容及信任。因為大家畢竟很久很久沒見，而我知道他們結婚的時候，也突兀地要求給我拍攝，他們都欣然地答應了我，我實在要再一次衷心地多謝你們！亦在這裡再一次送上我誠心的祝福，現今的世界變幻無常，可以覓到最愛殊不輕易，希望你們都可以白頭到老，永結同心！！

兩個婚禮

上星期六的那個，是我的小學同學，而她是小六才轉過來讀的插班生，因此其實我們一起的小學生涯只有一年！小學畢業之後我們還有聯繫，後來又沒有聯絡，到最近的facebook才再有聯絡。其實這次再見面......應該是相隔了十五、六年左右吧！哈哈~~很離奇，就連被我應邀幫手拍攝的Daisy小姐也嚇了一大跳！！

本以為這個婚禮再也見不到任何熟悉面孔之際，更離奇的事情就發生了......伴娘的男朋友算是不可多得了，來觀禮之餘也幫忙照顧一下伴娘，我望著他的面，就覺得很眼熟，於是我忍不住問他：「我係咪應該識你嫁？」
「你識那個應該係我阿哥！我地個樣好似！」伴娘男朋友答道。
「哦~~你阿哥讀st. b嫁嘛？」
「係呀！」
其實，我連佢阿哥叫乜名我都唔知，只不過係當年做prefect既時候，我係負責守佢阿哥個層，認得有個咁既人，而呢個人個樣好似，所以先問。其實我有個習慣，就係將我所認識既人同我新見到既陌生人先做「配對」，到我真係認識左呢個陌生人，先開一個新「file」，記著新既record，一個新認識既人！

我的中學生活，除了中一和預科既時間之外，我係過得好唔開心既，不屑與極度幼稚既同學仔為伍，我行我素，目空一切，令我幾乎半個朋友也沒有！反而畢業多年後，有幾個同學還有聯絡，一年都會聚頭一次吧！

而這個伴娘男朋友因為晚上有另一個喜宴要參加，所以無一齊飲，而我亦無意中聽佢講電話既時候講左一個名出黎，而呢個名反而係我真係識既人，咁我當然唔好意思再查證那個人名吧。



到了晚上的喜宴，我正忙得不可開交之際，我在宴會的門口與我第一份暑期工的老闆和老闆娘相遇了！他們見到我的出現也相當出奇，原來他們是男家家長的朋友，而我是新娘的朋友，這樣也可以相遇，怎能說這不是巧合？這個老闆其實是我女朋友老闆的前度拍擋，是後來自立門戶，自己建立新公司，我女朋友幫我介紹下，做了一個暑假！

那個暑假，在我離職前的幾天，我和這個老闆因為某些言語上的誤會，鬧得很不愉快，之後大家都沒有什麼聯絡，直到年多前再因為女朋友的緣故再見面，還答應了替他做個網頁，但現在我仍未有時間替他做，就這樣一拖就年多了，我也不好意思和他多談，免得大家談多了又尷尬了吧！



更離奇的還有，應該是我的小學同學的不知是甚麼關係的親戚，是我在旅行社第一份工作的同事，那時我是人事部的，他們兩個都是領隊來的。當然，我們那時不熟，而我看見他們在場都忙著與親戚們寒暄，就不好意思上前「相認」了，假若他們不認得我的話，我就很尷尬了，還是若無其事比較穩妥。

我的第一份工作，以第一代副學士畢業生之名出來工作，還記得當時我上司對我說，那時他們只想請個中五畢業的而已，沒想過會請到我！而我也沒想過我會接受那五千多元一個月的薪水，只比OA多一百元，但工作量卻不符比例！每星期工作是五又四份三日，星期六人事部的辦工室內，我是唯一一個收四點鐘的人！！我最記得有一次，人事部的另一個同事，都係高職級過我，我係我個部門係最細那個。佢先過我離開公司，但到我離開了後又轉了一個大圈成了這間公司人事部的經理，對我講左一番話：
「stephen，你睇我，我做唔晒d野，我星期六都要係度ot呀！」大約意思啦，詳細點講就唔太記得嗱~當時我唔記得做緊乜啦，應該係度玩緊，唔係做緊野既！我當時無出聲，我係比佢嚇呆左！我重好記得佢個日ot到未夠四點就走左！大家明白嗎？個實情係佢ot完，我都未放工！！！大家一個部門、一個office，你係度ot緊，我重返緊工嫁！你份糧起碼多過我一倍，工作時間我估我唔少得過佢，只係計每個星期六那多左出黎個兩個鐘，一個月我都已經多左一日啦，工作壓力我都唔係細嫁，我個時試過發夢個時都係返緊工！而且我地公司個陣重有ot claim，我係上述的情況底下咪就係「雙失」囉！我呢件事放左係個心到好耐！最後，我做左年幾就無做，因為辛苦，而且不忿人工低！



五段關係

星期四，這是預科同學結婚，我都有去影婚禮。同學仔比之前開朗了不少，成日笑，唔係單單因為結婚，而係同學仔以前返學做野都係認真的人，出黎做野係改變左個人既性格吧！到晚上去飲，見到幾個舊同學，傾下計食下野，我自己就無飲酒都high high地，無他既，開心丫嘛，我去飲親戚個d，我係無乜感覺既，但朋友個d，就好開心好想去，可能係熟d掛！我唔清楚，只係好「鄧」佢地高興！可能係曾經一齊「出生入死」咁係學校到拼過命，互相鼓勵堅持咁撐到考試最後，又或者朝見口晚見面咁噓寒問暖掛，呢d野，有邊個親戚比到你呀？



今年，聽聞係好年，雙春兼閏月，年紀大過我既結婚，和我同年既結婚，連細過我既都結婚。我呢？我都有諗過既，但都係個句，無錢，所以未係時候！聽我阿媽講，我今年結婚其實都好嫁！不過，佢話如果我今年真係要結婚的話，都會好大獲喎~~我都知，所以我好「小心」！！三月重有一單，年尾已知既就有四單！今年做人情，預左會做到窮！但我仍然好享受，享受別人和我分享他們的喜悅！享受別人和我分享他們的愛！



雖然成輯相未final晒，但我自己好鐘意呢幅相，希望相中人唔好介意我post呢張出黎先啦~~

一個各懷心事的夜晚

一個各懷心事的夜晚

今晚因為某d原因，搵阿ben，順便約出黎食個晚飯，重叫埋近排「自閉修練」既戴小姐一齊出黎添。本來我同阿ben都好想好想唱k既，但戴小姐事忙，所以只係食飯，而且為左準備三月既另一次小學同學飯局，所以去左深水埗個度「試菜」！

因為我太施施然既關係，我係公司出過去深水埗既時候已經七點，估唔到十五分鐘到就行到去，少少出奇地六點半放工由銅鑼灣過黎既既戴小姐，同無一個鐘出唔到門口既阿ben都已經到左。我地係黃金meet埋，就行去間野度食！間舖又出奇地無乜人，叫左一人一客翅、白灼墨魚、唐生菜同炒聖子，d野都ok好食。跟著大家傾開計，發現大家近呢幾日都係心情麻麻個隻。首先，戴小姐心情唔好玩自閉左一輪都無乜特別好轉，阿ben就因為阿狗妹病，所以憂心忡忡，而我呢？打從星期六之後，就覺得成個人休息得唔夠，成個人都有d亂晒籠咁，心情又變得唔好，在坐既兩位人兄人姐係眼神上流露出佢地覺得係因為星期六所發生既事所影響，但我覺得個影響唔係真係咁大，其實我覺得男仕每個月都有幾日係down down地既，雖然生理上好似無乜野咁，但心理上總係有d野講唔出，總之就係煩係啦~~十足十女性每個月「姨媽」既日子，而我就稱呢個出現係男仕身上既現象為「姨丈」！

呢一晚大家各懷心事咁出黎食飯，食完飯、跟著去左公和食豆腐花，再跟著去左麥記坐低，傾傾黎緊個飯局既schedule，傾完出黎大家都想早d抖，於是乎就送左戴小姐去坐巴士，開始等車個時，戴小姐話其實自閉都唔會有乜野心情上既好轉，反而見下人，食下飯，個人重開心d、開朗d，唔比d好down既氣氛困住自己，好似煲湯咁，d料越煲越濃，d唔開心越煲越多，對自己都無乜好處。其實我都好同意，唔開心，想收埋自己調整反而調唔出d乜野出黎，出黎見下人，吸下新鮮空氣，個人會清醒好多。講下講下，戴小姐重有幾日就生日，佢話生日會同班fd食，問下我地會唔會join，我暫時都未答覆到，唔係因為錢既問題，而係我例牌都係要返去睇睇個款。

返到屋企，坐坐下，諗起以下呢首都算係幾老下既老歌，都配合到我地今晚既心情，一個各懷心事既夜晚。雖然飯就食左，各自既問題無乜解決到d乜野，但相互「呻」下，發洩左多少情感，我估對大家都有所幫助既~~



希望我地今次既飯局可以順利舉行，又可以多d人參與啦~~

16件有關莫伯的事

16件有關莫伯的事

係facebook到收到個tag好耐，想寫亦想左好耐，但偏偏今日就有d時間同心情，於是寫低遲黎既16件有關莫伯的事！


規則：當你比人tag左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16個人。你必須tag返tag左你的那個人。如果我tag左你，即係我想認識你更深。

1. 21/2/2009 對我黎講都係大日子：
我唔知點同大家解釋，但有d朋友會知道我發生乜野事！

2. 同<1>好有關係既，就係我實現左我今年既第一個願望！

3. 莫伯係一個怪人：
莫伯唔做既野你可以估得到，但莫伯會做既事，會堅持既事你永遠估唔到!!

4. 莫伯係一個逢人說項既人：
莫伯會將自己既事選擇性咁分享比唔同既朋友，所以有d朋友會知一部份，另一d知另一d部份，不過朋友與朋友之間好多都唔認識既，如果佢地識既話，將所有佢地知莫伯既野拼合返一齊，咁就可以完成到整個拼圖—一個真正的莫伯！！

5. 「十年」係真係我近十年既代表作

6. 我相信機會係留比準備最充足既人：
雖然我成日咁諗，但我永遠覺得我自己準備得唔好、準備得唔夠！

7. 莫伯唔係大家想像中咁自卑既人：
莫伯間唔中係會有唯我獨尊、自高自大既感覺，可能同自卑感作崇有關。但見過莫伯充滿自信既人應該唔超過10個！！

8. 莫伯對錢唔係睇得太重要，唔好太貧就無緊要的了！！

9. 莫伯覺得自己影相係ok既，但好怕影得唔好！

10. 莫伯覺得自己寫野係ok既，但亦覺得自己寫野唔夠好！

11. 莫伯係個好長情既人，但亦覺得自己太長情，做成情格缺陷！

12. 莫伯應該患有少少強迫症！

13. 莫伯唔係一個串人：
莫伯唔係唔知道乜野說話係串，但莫伯好少好少突登去串人，只係講野太直，唔小心得罪人，但我其實唔係串！

14. 莫伯最新既座右銘：
我係咪唔適合做xx呀？
如果你咁容易放棄，你出到去邊度都好，你永遠都唔會成功！！

15. 今年好想去旅行，但係無錢~~

16. 莫伯一向都無乜人理，請大家得閒就關心下我呢d「獨居長者」！！


諗到咁多，有d miss左，不能盡錄！

有趣/恐佈 的數學題

有趣/恐佈 的數學題

前晚去完預科同學既飯局加派帖，收到帖返到屋企，同女朋友講電話。近黎都好怕同女朋友講起結婚，去飲同生bb既問題，因為每一次講，每一次我都比人插，儘管我地已經曾經講得好清楚！

係個傾電話既中途，我比左一題難倒好多港男既問題比佢，原來......連佢都唔識答，我重以為佢會識，可以教返我添，原來......都係唔得！題目如下，同大家分享一下：


小明月入8千蚊
每個月要比3千蚊屋企
每個月要用3千蚊，包晒所有食飯，車費等使費
有2千蚊要儲起佢，以備有任何需要
根據近黎聽返黎既消息，一個4百幾呎，實實際際咁計埋實用面積得5成多少少既單位值150萬，
首期為1成，供30年，月供為7千蚊左右

小明有個女朋友月入7千蚊
每個月要比2千蚊屋企
每個月要用2千蚊
其餘個3千蚊係儲埋當係私己錢

如佢地要結婚，就要先買層樓，各自比屋企既錢取回1千蚊作新居家用

咁請問小明要幾用幾多年先可以買樓結婚呢？

假設由現在起計，每年通脹有3%，而每兩年加既人工先得3% (呢個應該唔係假設，人工應該永遠追唔到通脹！)
小明個女朋友一定要搬出去住，小明亦唔想同屋企人住
未計新居裝修，未計新居首期，亦未計其他雜費
小明本身唔鐘意細路哥
小明本身唔多積蓄，2、3萬左右

唔知有無人計到呢？
我估「無錢」班「尖子班」學生都計唔到，連歷屆諾貝爾數學獎既得獎者都未必計得掂既數學題，有無人識得計？


我會有解決方案，如以下情況是但一個出現的話：

1. if 打劫唔係犯法的話，小明相信會去打！
2. if 小明中一期六合彩頭獎
3. if 小明比女朋友飛左(oops!!!)
4. if 小明係一間識得知人善用既公司，得到上司既欣賞而升職加薪(快過通脹)
5. if 小明願意放棄理想同良心，加入政府hea住咁做野

有其他更有創意既方法嗎？請留言給我~~


純粹認真地開玩笑，不喜~~勿插，謝謝！！

「十年」之後.....

「十年」......之後......

估唔到谷左個「十年」出黎之後，甚麼都好似無發生過一樣，feedback的確係有既，但確實又唔係真係好多。少少失望係有既，但正於我既留言一樣，就算只得一個觀眾，都一定要用心咁繼續表演落去，報答支持同鼓勵我既人~~~



同朋友秋姐傾開，無乜人回覆我，係我寫得無共鳴感，還是係我寫得太差呢？她說，其實我地我地呢個年紀的人，對愛情已經無左果種遐想了，年輕一輩可能會更有共鳴。~~係大家忘記了那種憧憬，還是我太幼稚呢？......

十年

十年


莫伯工房情人節巨獻—十年 (Trailer)
由於時間緊逼，加上個軟件放低左好一段日子，所以整得幾唔靚， 希望大家唔會介意吧！



某天，在同學的婚宴上機緣巧合之下再遇上你，想想我們有多少年沒見？不經不覺，原來已經十個年頭了。這次再遇上，偷偷地窺望你，發現十年的歲月並沒有在你的身上帶走了些甚麼，相反地，在你一貫綺麗的面龐上，增添了幾分成熟的嬌美，你華麗的風采，一舉手一投足仍然吸引著我。



在席上，大家交換了這十年來的經歷，又談談當年的軼事，亦談起了很多回憶，但在我的心湖內，還泛起了……一段只屬於你和我之間的「浪花」……



那一天，我鼓起了平生最大的勇氣，靦腆地向你表白我的心跡，但你用那天真無邪的笑容告訴我，我們之間只存在友誼，亦希望我們的友誼可以永遠地延續下去。望著你的笑容，我沒有太大的難過與失望，因為結果早已在預期之內。雖然往後我們還有保持聯絡，但隨著大家各自地忙碌，關係亦漸漸地疏遠了，也彼此沒有再聯絡。




突然，有張你的照片傳到我的手中便把我從回憶中拉回來，那是我們學生時代的合照，後來幾張是你的生活照，當我翻到最後一張時，你忽然滿面通紅地宣佈你的婚訊，眾人立即都高興得向你道賀，我卻呆坐當場，血液彷彿就在這瞬間凝固了，整個人動彈不得，我不禁低下了頭……




我把照片遞到你的面前，並且伸出我的手，由衷地送上我的祝賀。那個時候，朋友們都知道我是個專業攝影師，便提議我於婚禮當日替你拍攝花絮照片，我沒有半點猶豫，一口便答應，只見你緊緊地握著我的手，快樂地笑著向我道謝，並開玩笑地說，定要把你拍得漂亮一點，好看一點！



再一次，小心翼翼地檢查我的相機
再一次，仔仔細細地調教著閃光燈

我非常緊張，手心冒汗，十分謹慎，因為這是你的婚禮，我不容許有任何差錯，也不容許任何瑕疵破壞你的婚禮。我要親眼見證你的婚禮，我要親手拍下這一刻！！我知我的心情比你還要緊張，因為，就是因為……那一刻
……
…



當我帶著絕望的心情垂下了頭的一刹，我看到相片中一個眉青目秀的老實人，輕輕地挽著你的手，你們彼此流露著幸福與甜蜜。他給我的感覺很踏實、穩重、健談、風趣幽默，在他的眼神裡，我發現他是那麼的疼惜你、尊重你、需要你，而最重要的是我看得出他很愛你，他那堅定的眼神告訴我，他會不惜一切，甚至願意犠牲自己也要令你一世都幸福！一世都快樂！我知道就是他：一個眼裡只有你的人！一個愛你多過自己的人！我看過幾千、幾萬、甚至幾十萬張照片，都找不到半個擁有如他般堅定的眼神；就算是世界上最出色的演員，如何再用心的演繹都及不上他的千分之一、萬分之一、甚至幾十萬分之一的真摯！

我連替你高興都來不及，那有時間去妒忌？去沮喪？去失落？

我定必要將這一刻拍下，將你最美的一刻保留，將你最幸福的一刻化造永恆！！





教堂的門打開了，你要進來了，和你交換了一個眼神，你對我幸福地笑了，我便知道，雖然我半刻也未能擁有你，但見證著你擁有著永遠的幸福，我終於明白！其實我也一樣地幸福！

這刻……
我……

也幸福地笑了！



<完>




後話：

短短千多字，搞咁多野，為左吸引大家去睇，希望大家唔好怪我太無聊吧！我用左好多心機去創作既呢個故事，希望係呢個情人節，令到大家感受到更多既愛。
一生一世既愛好難得，同時如果錯過左某d既愛，亦要賠上幸福，一生一世咁遺憾，希望大家都學懂珍惜身邊既人和事。
最後希望大家鐘意呢份情人節禮物！
Happy Valentine' Day~~

「十年」製作特輯之最終章

「十年」製作特輯之最終章

大家重記得我之前話要參加既比賽嗎？係早幾日，最後十強既名單，終於都出爐啦~~~而我，就係好光榮咁出左局！~~~

老實講，未能進入最後十強，少少失望係有既，但好唔開心就無，因為始終比賽既野，有嬴有輸，勝敗既野，都係兵家常事，無乜必要放係心到。反省返今次落選既原因，有諗過個故事係咪誇張個頭呢？令到人地覺得不似真實既故事呢？但正如我係之前製作特輯度講，故事係要有戲劇性係裡面，比我再寫、再揀，我都係揀呢篇故事參賽！

講到依家，咁究竟、其實、實際上幾時有得睇嫁？咁就快到情人節啦，個timing就真係啱啱好！我決定襯情人節呢個大日子，係我個blog度正式發佈我呢個比賽作品，我連trailer都諗好左嫁啦，哈哈~~到時各位有我msn同facebook既朋友就會收到我既message，邀請各位黎到我個blog度分享我呢個「十年」既故事！希望到時大家比個面，留個言，不過唔好插咁盡喎~!~哈哈
希望到時見到大家既留言啦~~講住咁先~~~大家可以睇下以下既trailer~~~


今年情人節，有無人陪你過呢？
無論你是甜甜蜜蜜，或者孤孤單單咁過都好，
都誠意為你送上莫伯工房巨獻：「十年」

甚麼是愛情呢？
愛情要怎麼樣呢？
經歷過「十年」你會唔會有新睇法呢？

莫伯工房巨獻：「十年」
莫伯誠意邀請你於這個情人節一同分享......

愛....
是甚麼....


ps: 係youtube度打十年，原來有咁多首歌彈出黎，一次過同大家分享下先~~~

英文歌分享

英文歌分享

有兩首英文歌，我幾鐘意.....係度分享下


我本來鐘意李克勤個中、英文合唱版既，但我係youtube搵唔到，
所以用呢個黎頂檔啦，呢幾句我好鐘意：

So I just play my part &
pray for you'll have a change of heart~~
But I can't make you see it through
That's something only LOVE can do

我已經盡左我最大既努力去做好自己，
其他能力範圍控制唔到既事，我就交比命運，交比個天~~





另外呢首係我唱得最熟既英文名，第一次係聽阿ben唱，之後就愛上左呢隻歌，唱k都幾必備。反而套戲就無好詳細咁由頭睇到尾啦，都係睇到一截截咁~~


The smile on your face let's me know that you need me
There's a truth in your eyes saying you'll never leave me
The touch of your hands says you'll catch me whenever I fall
YOU say it best when you say nothing at all


大家密切留意，莫伯係情人節有大獻禮，聽日會再預告一次，大家千萬別錯過~~

感動......是甚麼？

感動......是甚麼？


因為公司遲d會有多條product line，而且今年超級多朋友或同學結婚，所以最終連我呢個對影婚禮無乜特別喜好既人，都開始諗下點樣可以去影好一輯好既wedding相！當然，重有一個我唔會話你知既原因啦，大家可以自己估下係乜~~

亦都係因為要準備既緣故，我今日問左老闆，有關影wedding date既野。佢同我講左句要影，究竟要影乜野氣氛，要影乜野效果？如果係好確實咁記錄成件事，只要錄video就得，根本就無需要影相！你想要影開心，定係感動？要影乜野，就要有唔同既方法同技巧。

我諗左一個下午，究竟點樣先可以影得出感動呢？開心，我可以理解，但感動，究竟要點影？我問我老闆，老闆答：「感動，有乜野原素？」
我其實唔單止係呆左一呆，而係呆到依家，我竟然諗唔到感動究竟包含d乜野！係我鈍丫，還是我個人冷淡，鐵石心腸，還是我懶.......懶得諗.......

感動是甚麼？我好似好耐都無被感動過既感覺，感動有d乜野，我彷似從來都無接觸過一樣~~~我自問都係一個文人，如果連感動既情感都無，點可以寫得出感動人既野，又可以憑乜野去打動到別人既心靈？影相同寫文一樣，唔能夠將情感灌注入作品裡頭，作品便沒有了靈魂，沒有靈魂的作品絕不會是好的作品。想想吧！久違了感動的我，快想辦法尋回那「曾經被感動過的我」吧！

2月6日的工作日

2月6日的工作日

00:30 放工，食完飯，返到屋企沖涼

01:30 上網上到呢個鐘數先肯瞓，本以為個人好煩會瞓唔著，點知唔知「典」左幾耐就瞓著左zzz....

04:40 鬧鐘響，起身刷牙洗面，著衫攞袋出門口......無睡意.......

05:00 衝落街，睇住架通宵小巴走，企係度等第二架小巴

05:10 跳上係度等左十分鐘都未走既的士飛出旺角，趕住坐五點半就收工既入上水既通宵小巴

05:18 出到旺角，立即向前行，再跳上入上水既小巴

06:10 係粉嶺落車，又立即跳上老闆部私家車，出發去南生圍影日出......車上死頂話無睡意，查實係有少少累.......

06:35 去到目的地，個天係黑既，開電筒照d路，去到預定位置set好野，等日出~~~

07:05 個天光光地，但見唔到太陽既樣

07:20 個天光晒，但個太陽唔知已經係邊度出左~~~坐車出返粉嶺既時候，個太陽就大大個係個度，吹脹~~~ ~0~

08:00 搭緊火車出返旺角公司，再去花墟買props影野~~~

09:00 返到公司等個客黎.......

09:30 call外賣

10:00 個客先過個外賣到，跟著開始做野，個三文治早餐只咬左一啖

12:00 食埋個「早餐」，再坐車出銅鑼灣

13:00 去到遊艇會，坐低飲左杯野，就上左架比賽用帆船，係顛簸既風浪度捉住d野，企起身打燈！

14:50 返上岸，上左書屋，去左starbucks坐，搵個同學仔，飲左杯野.......

16:30 坐小巴過中環，行左段斜路，影舖頭.......

18:00 行返落中環坐地鐵返太子，行返公司，買左個包、買左包鵪鶉蛋食

18:40 個客上到黎影野........

22:30 影晒所有野，做好晒野，返屋企食飯，但其實去到9點幾，集中力已經低下，戰鬥力近乎0.....

23:20 返到屋企開始食飯

24:00 食完飯，開始搞其他野.......

26:00 睇飽電視，個人都過左D飯氣，開始走去瞓.........


2月7日

10:30 已經去到觀塘影野................ 做到17:00先停，跟著去左食公司春茗..........


好大獲？其實亦都可以話好充實，因為個客D野好趕好趕好趕，所以谷晒係呢個星期之內完成，忙有忙既好~~~起碼學野速度都高D，進步快D！希望公司keep住有野做啦.......生意既野........係要守既........尤其是金融海嘯黎度........

最佳損友

最佳損友

給損友A：

唔知以前有無人話過你，其實你有無諗過你對你d朋友唔好，好自私！？唔係話你反骨呀，呃朋友之類，而係你有無對你既朋友付出過？

朋友結婚，請你去飲，撇開佢係咪搵你幫手做人情丫，都係想share下d開心既事，比大家一班舊朋友一個聚下頭既機會！大家有緣可以做到朋友或者同學，有好多野無得計較，亦計唔到咁多！你都唔肯同朋友分擔分享，你就算得盡世間上所有野，了解晒世間上既一切道理，都係枉然！

你成日都話要「想得開才可活得好」，你咁多野想唔開，你又點可以活得好呀？呢個世界好多事，唔係圍住你一個人轉，好多野要去接受，要去妥協，呢個先係人生！你唔鐘意既野唔做，唔鐘意見既人唔見，咁你不如搬去荒島啦！個度乜都無！無人會迫你做你唔想做既事，但世界依然在轉！

依家朋友只係要與你「同甘」，你就立即拒人於千里之外，你可以話比人聽你對得住朋友嗎？我雖知道你係個可以「共苦」既朋友，但朋友係應該前後兩者俱備，如果唔係比其他人以為你d朋友，即係我地！只係d酒肉朋友，而我地無嗱嗱由於你既原故，比人陷於不義，背上對朋友不忠既罪名，難道你就沒有責任了嗎？

我地識左咁耐，好多野已經可以好直接咁講，但好多時講左，你都只係聽入耳裡面，而無聽入個心裡面！希望你好好咁諗清楚，做朋友應該要點，你會唔會肯為朋友犠牲丁點的自我？為左朋友，而去為佢地分享喜與憂？令你既生活過得更充實，更有意義？

損友B上


附件：最佳損友MV

我以為......我可以

我以為......我可以


每次以為我可以忘記，每次以為我可以復原，每次以為我可以對你免疫，但.......
一聽到你的消息，我就像瘋了一樣，不停地想你，想我們的過去，

想，如果我們可以走左一起......

突然好想你，你在會那裡，過得快樂或委屈？
突然好想你，突然鋒利的記憶
突然模糊的眼睛

最怕此生，已經決心自己過，沒有你
最怕突然，聽到你的消息.......

我以為......我可以

但回憶總是提醒我，我曾經深深地愛過你

我躲不過、逃不了，回憶永遠讓人痛苦！

每次聽到你的消息，我的心都被掉進了大海，載浮載沈

不知過了多少日子，我知道，我對你，已經免疫了

你永遠只會是我的朋友，

你永遠只會是我的回憶，

你永遠只會是我的夢

最少，我已經忘掉了對你愛！

PS. 1 Down, 2 to go.......

幸福還是甚麼

幸福還是甚麼

今日見到個fd，都可以咁講啦，熟就唔係好熟個種，不過叫工作上有d聯絡咁，得悉佢啱啱同女朋友分左手，原因我就唔太清楚啦，不過大概係話佢唔太成熟，咁大個人對佢地既將來無乜計劃咁，諸如此類啦！見到我個fd個樣都頹頹地，都唔知點安慰佢啦~~~

佢地拍左拖年幾，就已經發生d咁既事，佢女朋友都只係23、4歲，我女朋友同左我一齊咁耐先咁樣話我，忍左我咁多年，咁我都或者算係幸福掛~~不過，講真，我真係無乜信心可以係四年內搵到咁多錢，今年只係過左一個月，我就煩左成個月，我要點搵多d錢？我個戶口d錢都只係剛剛夠我用到今個月尾，我呢個一無所有既情況，我可以話我咁大個仔賭得最大最大都係呢舖！我夠膽死搵返得我以前人工既三份一價錢去學影相，跟assistant，可能你會話我傻，但我今次賭/投資，如果我真係可以成功的話，我相信我可以花唔太多既時間就可以攞返黎！

你估我依家每日對住戶口d錢個心唔涼得一截截嫁！？其實我都好驚，亦係前所未有地咁擔心同唔開心。想買既野，唔買得，故言之啦，甚至乎係有需要用既野，都買唔起，咁你話個人會幾唔開心，幾咁徬徨先！我女朋友早兩日重問我今年去邊到旅行好？d yen好貴咁話！我已經不止一次話佢知我個戶口得幾千蚊，今年無可能去旅行嫁啦！我唔知佢係唔明，定以為我講笑，佢好似無聽到我講咁，話最多去近d，去平d，但係我真係無錢嫁！今個月重要將辛辛苦苦搵返黎既四千蚊用黎交半年供既保險！呢個月可以用既，已經係上個月月尾既brought down黎嫁啦，我真係唔識講，只係知道錢真係好困難，好困難.......

今日我老闆重講笑咁問我，我成日都有幻聽，有人講野我聽唔到，無人講野就問邊個講左d乜野？佢話我係咪焦慮症嚴重喎？我好坦承咁話比大家知，我知道自己細細個已經有些少，不過個陣時唔知呢樣野係乜野黎，我到近黎先發現我d行徑應該真係d焦慮症或者d強迫症既病徵，所以如果大家見到我有d乜野唔妥，記得提下我，等我唔好發神經！

錢，我以前從來都唔係好愁，因為我一向都好知足；
錢，我現在需要好多好多，但就苦無方法去搵，真係好徬徨好徬徨，作奸犯科既野我又無膽做，唉唉........貴叫你窮呀，唯有頂硬上吧啦~~~

新春廣州之行—人物篇

新春廣州之行—人物篇

講完事，就講下人。之前提過堂妹同佢表妹(為方便計，以下簡稱表妹)，我地呢十年八年既新年見到就雞啄唔斷，乜野都講，次次傾通霄，屋企人唔出黎阻止都唔停！到左近幾年，我堂妹同我堂妹夫一齊之後，年年新年都去旅行，變左我地少左傾計，但感情仍然好好！

今年返去，我堂妹都已經結左婚都年幾，今年重係第一年親手派利是比我，我無所謂嫁，有利是收喎，重好開心添！往年都無乜咁留意，今年有些少改變，發覺我堂妹對佢老公好好，以前唔係唔好，不過我可以以「全情投入」咁去形容。我堂妹既愛情閱歷比我多好多，佢接觸既人同工作既關係，好多假假真真既野，迫佢去妥協、迫佢去接受，好彩近一年左右，佢個工作環境開始有所改變，佢都搵到一個真正適合佢既工作，可以充份發揮自己既能力，我覺得佢天生都係好有表演欲，同表演天份既人，依家如魚得水既工作亦令佢係生活上更充實。阿堂妹既感情道路從來都無出現過一平坦途，我咁膽咁講，依家堂妹夫當年既出現，我知佢對我堂妹付出過唔少，亦感動到堂妹開始明白，乜野先係佢想要既？我見到佢咁幸福，我都真係好安慰！

至於表妹呢？呢個人，我可能比佢更明白佢自己既一個人，好多原因令我摸通晒佢d思想行為模式，但有d野，佢唔講，我就真係估唔到嗱！例如d乜呢？例如分左手既男朋友，隔左咁耐，都重可以放張相係銀包到既？我真係唔係親眼見，我都唔信，但同時我又好明白，我同佢都係同月同日生日既人太重感情，要「摃得起、放得低」，除非我地本身就不想摃起，否則要放低，根本無可能！！佢話唔得閒，費時攞出黎喎，因為太熟既關係，我都唔好意思唔踢爆佢咁話，我地呢類人，如果真係咁討厭，我地唔會忍得到唔攞佢出黎「碎屍萬段」既，你呃得到自己都呃唔到我啦，佢笑左一笑，跟著就無出聲！我對d朋友真係丁點都唔會留口/手，一定會講到出面，要佢一點要明，如果唔係做朋友有乜意思？我唔知佢明幾多，又或者佢都唔想去面對，但以佢咁天真無邪，外表咁單純同遲鈍的話，要佢重新振作，真係有一定程度既困難，對佢.......真係有d擔心！

講開又講，咁堂妹阿媽同阿爸，我叫佢地造五叔五嬸，對我都幾好既，都係同我傾到下計既親戚黎既，咁啱講起我結婚既野，佢地就同我講返我阿媽阿爸同佢地傾計既時候係點諗既，其實我同阿媽阿爸都無好好咁坐低詳詳細細咁傾過，今日反而由五叔五嬸口中講返出黎，我反而充滿疑惑，因為同我係佢地口中講既同我與阿媽阿爸相處所get到既出入好大、落差很遠，搞到我都唔知應該點樣做好？有時覺得父母同自己，好多野反而由另一個人既口中得悉返d消息，係幾失敗既，而我就更加連佢地幾時生日都無記入腦，就更加係失敗中既失敗嗱！或者佢地都知我諗唔到，所以唔出聲，或者唔知點同我講，所以無傾到，點都好，若果有咁既契機的話，好好咁傾下都係有咁既需要既，或者等我ready好d啦！呢個日子希望唔好太遠啦！