世杯投機攻略

諗住世界杯前講下分析，點知到前一日都未有時間，唯有快快脆脆咁講住少少先，但如果齋講又好悶，所以懷住「睇波不賭波，睇來幹甚麼」既宗旨，一於先講我會點買，再配合分析吧！

首先，冠軍分面，睇實力，都不外乎西班牙同巴西最具冠軍相，呢兩隊一定係首選。但問題係，眾所周知，巴西球王比利係響晒名既「烏鴉咀」，佢今年估西班牙、巴西同阿根庭都有力取得冠軍！由於往年佢都太準既關係，大家真係不得不防一防嫁。再睇落去，有實力，而表現對辦既只係得返英格蘭，雖然佢地年年都話有機會，但今年由卡比路領軍底下，多左一份踏實感，並唔係得把聲嗱，所以我都睇好佢地今年有好既成績，至於冠軍喎，真係要睇少少運氣嗱！

世杯冠軍
莫伯推介：西班牙 4.50　　英格蘭 6.5


另外，神射手方面，最正路既當然係選強隊前鋒，而同組對手弱的吧！還有球隊可以晉級至越後階段，機會更多，咁當然有更多機會！今屆神射手，我會選西班牙的大衛．韋拿，除左佢附合之前所講既條件外，佢今年既狀態算係唔錯，在係佢地隊中中場既超強大支援下，問鼎神射手機會亦大大提高！次選的話，荷蘭的尹佩斯和英格蘭的朗尼都會是不錯的選擇。首先，尹佩斯今季在阿仙奴大部份時間養傷，體力方面比其他打左一整季既球員消耗得少，而且近期既熱身賽方面，見佢既狀態其實相當唔錯，而且不論佢既技術同經驗都已經比上一屆成熟，我相信佢係今屆絕對可以有所作為。另一個對象朗尼則啱啱相反，佢成季都表現突出，反而季尾就因傷休息，但咁樣造就左佢係世界杯之前可以休息。今屆英格蘭前線好大機會靠打單箭頭，就算係雙箭頭，無論拍擋是哥洛治還是希斯基，進攻模式都一定會以掩護朗尼為主，所以朗尼對於神射手黎講，絕對會係黑馬！

神射手
莫伯推介： 大衛．韋拿 8.5　　尹佩斯 13　　朗尼 10


至於今年新增既決賽組合，莫伯就無乜興趣，因為選冠軍容易，你只要認為有一隊既表現，可以平均到可以擊敗任何對手則可。可是決賽組合卻不然，這可以因為球隊分組賽中的一場比賽，就令原來決賽的組合，變成四強的戲碼了，所以我認為這個玩法是眾多玩法之中最難度高的！但如果真的要我選擇的話，我會選西班牙對英格蘭的組合！
理由十分簡單，和做選擇題一樣，先確定那球隊能以首名出線，再以A，C，E，G和B，D，F，H兩個為組合，將四支隊伍比較，就能得到上、下線的決賽組合了。
A組的首名無論是那一隊，我都相信過不了預計C組的首名英格蘭的，而E組的荷蘭和G組的巴西在八強遇上時，巴西應可取勝，那麼上線的四強將會是英格蘭對巴西。作為英格蘭球迷，少少私心一定有（此乃投注的大忌) ，所以我選英格蘭能進入決賽！
而下線的八強，我預計會是阿根庭對德國，巴拉圭對西班牙，四強將會是德國對西班牙，而我認為西班牙在下線亦理應能夠擊退任何對手，故此我便在下線PICK UP西班牙！
最終決出我的組合 英格蘭對西班牙了！

決賽組合
莫伯推介：西班牙 對 英格蘭 12



以下呢D都係參考，數據時間係6月11號晚既馬會網頁，而莫伯真係會買既，頂多都只會係神射手而已，因為四年前莫伯正正就係買中左神射手係德國既高路斯呢～～

好再講下我預計既小組首、次名先(先者為首名、次者為次名)：

A組：墨西哥　﹠　南非　18
B組：阿根庭　﹠　南韓　4.2
C組：英格蘭　﹠　美國　2.5
D組：德國　　﹠　塞爾維亞　3.6
E組：荷蘭　　﹠　丹麥　3.5
F組：巴拉圭　﹠　意大利　4.3
G組：巴西　　﹠　科特廸瓦　3.5
H組：西班牙　﹠　瑞士　3.1

我計過 18 x 4.2 x 2.5 x 3.6 x 3.5 x 4.3 x 3.5 x 3.1 = 111104.217
即係買10蚊，真係中8串1的話係有～～一百一十萬～～～

莫伯真係會買，咁當然，呢個機會率同要中六合彩頭獎差唔多啦，但十蚊買個希望都唔那個啫～～


好！講住咁多先，我會係六月十一號開賽前，將A組既分析POST出黎，大家有興趣的話就上黎睇下啦～～

講住咁多先，希望大家會ENJOY呢個世界杯啦～～